જામ ની અસર
Oct 29th 2007'Sufi'Uncategorized
જામ ની અસર
દિલમાં મીઠી ગુંજ ઉઠી છે, તે છે તારા નામની
હલકી હલકી છે અસર, દિલ પર એ તારા જામની
પ્રાર્થના માં છે નશો, ઝુમું છું તારી યાદમાં
તે વખત હોતી નથી પરવા મને આરામની
કુદરતે જે જે લખ્યું છે, વાંચું છું ચારે તરફ
તે ન વાંચું તો પછી છે પ્રાર્થના શું કામની
ગ્રંથોમાં ગુંગળાય છે આધ્યાત્મ નાં ડહાપણ બધાં
ક્યાં છે પરવા કોઈ ને ચિંતા કરે અંજામની
મા, કે માદર, કે મધર થી મા તો બદલાતી નથી
અલ્લાહ ને ઈશ્વર કહું, શું વાત છે બદનામની
કર ભલાઈ એક આજે, શું ખબર છે કાલની
યાદ છોડી ને જશે, જગમાં તું સારા નામની
એ ‘સૂફી’ રહેજે મગન તું યાદ અલ્લાહ ને કરી
તું થવા દેજે અસર દિલ પર પ્રભુના જામની
‘સૂફી’ પરમાર
No Comments »