માલિક શોલા બુઝાવી દે
Mar 13th 2008'Sufi'Uncategorized
માલિક, શોલા બુઝાવી દે
થયું છે શું તને એ દિલ જરા એ તો બતાવી દે
રુદન તારું કરી હલકું જે દિલમાં છે જણાવી દે
છે દિલ પર બોજ કેવો કે છુપાવીને ફરે છે તું
કહીને વાત દિલની, બોજ દિલ પરથી હટાવી દે
હું ચમકીને ઉઠીને જોઉં છું આ આગના ભડકા
એ માલિક રહેમ વરસાવી આ શોલા તું બુઝાવી દે
અરે અજ્ઞાનતા તુંએ કરાવ્યાં ઘાતકી કૃત્યો
હિંસક માનવ બન્યો એવો કે ધરતી ધગધગાવી દે
પડોશીથી હતી જે ચાહના, વિખવાદમાં બદલી
છે ઉશ્કેરાટ કે સામે વસેલાને મિટાવી દે
સૂફી સંત ચૂપ થઈ બેઠા છે નાદાનોની વસ્તીમાં
પછી ક્યાંથી કોઈ દ્વેષોથી છૂટકારો અપાવી દે
અપેક્ષા શું કરું મહેકી ઉઠે આ દુનિયા ફૂલોથી
છૂપાં ફરમાન તો કહે છે કે ફૂલવાડી જલાવી દે
બતાવું ચહેરા વિકૃત ધર્મોના દર્પણમાં હું કોને!
ડરું છું લોક દર્પણને ન ભસ્મીભૂત બનાવી દે
ધસીને જાયછે વિનાશપંથે જગ ‘સુફી’ તારું
જમાના જુની દુશ્મની હવે તો તું ભુલાવી દે
‘સૂફી’ પરમાર
1 Comment »
Valibhai Musa on 13 Mar 2008 at 6:50 pm #
Janab Mohmmadbhai Parmar,
Assalamo Alaykum.
“સૂફી સંત ચૂપ થઈ બેઠા છે નાદાનોની વસ્તીમાં,
પછી ક્યાંથી કોઈ દ્વેષોથી છૂટકારો અપાવી દે !”
Marvellous ! Silence of good people encourages evil. My comment on “About” is awaiting for your counter reply. Due to some system fault or fault on my side on posting comment, there appears “Your comment is awaiting moderation.”since 7th Inst.. No matter what it may be. One more request – Pl. provide me your email Id.
Regards,
very sincerely Yours
Valibhai Musa