રંગાએલાં જ્ઞાન
Jan 24th 2008'Sufi'Uncategorized
રંગાએલાં જ્ઞાન
વગર ચિંતન મનન વાતો રૂઢિચુસ્ત માની બેઠો છું
અતિસુંદર આ જીવનને કરી હું હાની બેઠો છું
નથી પરવા કરી શું તથ્ય છે જે માનું છું તેમાં
કરે જે અંતઃકરણ ફરિયાદ સમજી નાની બેંઠો છું
ફસેલો છું જગત ઈતિહાસના ખંડેરોના ઢગમાં
અમારી અવનતિનું શું છે કરણ જાણી બેઠો છું
બની બેઠો છું રક્ષક અર્થહીન હું માન્યતાઓનો
કરું છું ગર્વ કે એક હુંજ જગમાં જ્ઞાનિ બેઠો છું
જગતમાં જ્ઞાન છે પણ મનપસંદ રંગોમાં રંગેલું
હું એવા જ્ઞાનના ઉપર થઈ અભિમાની બેઠો છું
ન ખુલી આંખ મારા આતમાની કે ભૂલો પરખું
છતાં જગને મનાવું છું, હું સર્વજ્ઞાનિ બેઠો છું
‘સૂફી’ બક્ષિશો આપેલી પ્રભુએ, શું થયું તેનું?
બધી સોગાત કુદરતની કરી ધૂળધાણી બેઠો છું
‘સૂફી’ પરમાર
No Comments »