અટ્ટહાસ્ય
Jan 16th 2008'Sufi'Uncategorized
અટ્ટહાસ્ય
સવારે પણ અને સાંજે, ખુશીકે દર્દના સાથે
મને આવેછે તારી યાદ, એક એક શ્વાસના સાથે
કદી ધ્રુજી ઉઠે કાયા, વધેજો દિલના ધબકારા
કરુંછું સામનો આફતનો, તારી યાદના સાથે
હું એવા ધર્મસ્થાનોમાં, કરું છું પ્રાર્થના, સજદા
તિરસ્કારો શિખવવાનું નથી જ્યાં પ્રાર્થના સાથે
કર્યો શ્રમ પ્રાપ્ત કરવા જ્ઞાન અલૌકિક, જ્ઞાનિ બનવાને
ખબર ન્હોતી, દહાપણને છુપાવીશ વેદના સાથે
નથી ઈન્કાર કરતો કે પ્રગતિ થઈ નથી તો પણ
પડેછે ફાળ દિલમાં નિત નવા લલકારના સાથે
નવી વાતો જે કરનારા હતા, વધસ્તંભે જઈ પહોંચ્યા
વિચારો લઈ જઈશ હું કબ્રમાં અટ્ટહાસ્યના સાથે
ભલેને દ્વેષભાવોથી ભરી છે આજની દુનિયા
‘સૂફી’ હર કોઈને ભેટે છે દિલથી પ્રેમના સાથે
‘સૂફી’ પરમાર
No Comments »