સુરીલી ધૂંન

સુરીલી ધૂંન

ચમકતી જોઈ છે રજ રજમાં મેં મોજુદગી તારી
થયો વિશ્વાસ હવે, દ્રષ્ટિ નથી ખામીભરી મારી

જીવનભર મેં કરી શંકા, પ્રભુ અસ્તિત્વ પર તારા
છતાં કમ થઈ નથી રજભર કૃપાને બક્ષિશો તારી

કર્યાં પાપો જીવનભર, વાત ન માની કદી દિલની
હવે ચુકવું છું પાપોથી થએલી બહુજ દેણદારી

તને હું શોધવા ક્યાં ક્યાં નથી ભટક્યો જગતભરમાં!
પરંતુ તું મળ્યો દિલમાં, ફળીભૂત આશા થઈ મારી

પ્રભુ તું તો દયાળુ છે, હું આવ્યો દ્વાર પર તારા
મહા દુઃખ દર્દ વેઠી, કષ્ટ અને આપત્તિથી હારી

હૃદયના તારમાં ઝણકાર છે શુભ નામના તારા
સુરીલી ધૂન છે તારા નામની દિલ મુગ્ધ કરનારી

‘સૂફી’ બેશક દુઆ તારી જઈ પહોંચી છે ઈશ્વરને
અને આકાશથી કોઈ ચલાવે છે કલમ તારી

‘સૂફી’ પરમાર

No Comments »

Trackback URI | Comments RSS

Leave a Reply

Type in
Details available only for Indian languages
Settings Settings reset
Help
Indian language typing help
View Detailed Help