દેવોની વેદના
Dec 16th 2007'Sufi'Uncategorized
દેવોની વેદના
ભરે છે આહ હવે તો દેવતાઓ ખેદના સાથે
અને ધર્માત્માઓ પણ રડે છે વેદના સાથે
જો આવે ધર્મ સ્થાપકો આ દુનિયામાં ફરી આજે
પિછો કરનાર નિકળી પડશે ઝટ નીજ ટેકના સાથે
બહુ મોડુ થયું પણ જ્યારથી હું હોશમાં આવ્યો
નથી પરવા રહી ધર્મના કટર મતભેદના સાથે
કરું સતસંગ શી રીતે અને કોનાથી હું જગમાં
મળે કોઈ જો પૂર્વગ્રહના દિલમાં દ્વેષના સાથે
અચાનક ભડકે છે ચિનગારી એવીકે ધ્રુજે ધરતી
શું પાપી નષ્ટ કરશે જગને વિધુત વેગના સાથે?
ઝલક દિવ્ય મેં જોઈ તો થયું પાવન જીવન મારું
જીવું છું હું હવે આધ્યાત્મના આદેશના સાથે
‘સૂફી’ તારી પૂજા તારી ઈબાદત જગથી ન્યારી છે
અલૌકિક્ ગીત્ લખ્યાં તેં પ્રેમના સંદેશના સાથે
‘સૂફી’ પરમાર
No Comments »