જગત મંદિર લાગે છે
Oct 6th 2007'Sufi'Uncategorized
જગત મંદિર લાગે છે
કરુ છું પ્રાર્થના તારી, જગત મંદિર લાગે છે
કરું છું સજદા આ ધરતી મને મસ્જિદ લાગે છે
આ રંગો થી ભરી દુનિયાં, આ સુરોં થી ભર્યું જીવન
જગત અદભુત તારું, સ્વર્ગની તસ્વીર લાગે છે
આ ભમરા ફૂલના ઉપર, પતંગા દીપના ઉપર
આ માખી મધપૂડા ઉપર, પૂજાની ભીડ લાગે છે
બને છે સ્વર્ગ આ દુનિયા, સલાહસંપ, સ્નેહભાવો થી
વધારે ભાઈચારો તે મને મહાવીર લગે છે
નથી કરતું છતાં કોઈ દયા ને પ્રેમ ની વાતો
જે લડવાની સલાહ આપે, હવે તે પીર લાગે છે
ભયાનક ક્યાં હતું તારું જગત આવું પ્રભુ પ્યારા
અચાનક નષ્ટ થશે એવું જગત અસ્થીર લાગે છે
પ્રભુ વિફરેલા ધર્મોથી સુરક્ષિત કર જગતને તું
જ્યાં હત્યાઓ થતી હર કોઈ ને તકદીર લાગે છે
‘સૂફી’ પરમાર
No Comments »